Fondacioni Obama nis nismën për edukimin e vajzave

23:25 | 11 Tetor 2018
Trina Galanxhi

Ish zonja e parë amerikane Michelle Obama njoftoi të enjten një iniciativë të re që ka për qëllim fuqizimin e vajzave adoleshente anembanë botës përmes edukimit.

“Një vajzë e arsimuar mund ngrejë në këmbë familjen e saj, komunitetin e saj dhe vendin e saj”, tha Michelle Obama përderisa prezentoi programin në emër të Fondacionit Obama me bazë në Çikago, transmeton portali arbresh.info

“Kjo është arsyeja pse unë jam aq krenare që sot Fondacioni Obama po lançon Aleancën Globale të Vajzave në mbështetje të edukimit të vajzave adoleshente anembanë botës”, shtoi ajo.

Kjo nismë ka për qëllim krijimin e një platform për ngritjen e fondeve, duke inkurajuar njerëzit që të marrin veprime në mbështetje të edukimit të vajzave.

Pesë projekte që do të përfitojnë arsimimin e vajzave në Ugandë, Malavi, Indi, Ganë dhe Guatemalë tani janë të hapura për donacione./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm